浩民迎8磅風之子

最近忙於在內地拍劇的陳浩民，為迎接細仔出世，特意向公司請假一個月，從內地返港。浩民太太蔣麗莎於昨早10時許剖腹誕下麟兒，BB重8.3磅，暫取名陳璟軒，浩民見證整個過程。由於囝囝出世時，香港仍受颱風「天兔」影響，浩民笑說有朋友提議囝囝改名陳天兔。浩民指囝囝眼仔睩睩兼雙眼皮，初看樣子似他，大女雅薷見弟弟即輕撫弟弟臉頰。

擇日開刀為星座

浩民有過上次陪產經驗，今次陪半身麻醉的太太傾偈，他說看着囝囝出世一刻感震撼：「老婆個肚開刀後都未埋口，仲滲緊血，我冇剪臍帶，見囝囝出嚟時喊兩聲就笑晒，好感動，再一次感受到母愛偉大。（老婆有冇喊？）冇，佢好堅強，傷口未埋就餵人奶。今次老婆最開心，佢可以如願等到個囝囝係天秤座，（有咩心願？）今次擇時辰開刀，會搵相士睇個名啱唔啱個仔，心願想佢健康，未必要出人頭地，最緊要唔好做社會包袱。」蔣麗莎產子前在微博分享喜悅，並說醫生指囝囝因太活潑而要催生，而她想囝囝天秤座，是可與浩民一樣。

文：影視組