顏培珊創作靈感來自舊區

歌手陳柏宇師妹顏培珊（Shandy）因加入SONY的「平原習作」計劃而入行，5歲時已開始學琴的她，在學校時亦不時參加合唱團，而近年亦不斷創作音樂，曾在不同的cafe、bar和商場內表演吸取經驗。她自言平時最愛到舊區攞靈感：「因為嗰啲地方人文氣息比較重，好有個性。」她又指閒時活動都離不開靜態：「都係睇書，睇表演、展覽，去旅行，飲咖啡，周圍行發掘下新事物。」雖然現在Shandy做的音樂只在網上平台播放，不過她在iTunes下載成績曾去過第二位，而且她將在10月聯同「平原習作」內其他音樂人推出一隻雜錦碟，對此她興奮說：「好多謝公司畀好大空間我做自己風格嘅嘢。」她又表示希望可跟方大同、王菀之和謝安琪合作：「我個目標都係可以做到佢哋咁，一嚟佢哋係唱作人，有自己風格，但係大眾又好受落。」