衛詩雅當鄭子誠笑料
衛詩雅、關楚耀合作拍攝電影，男方於戲中飾演暗戀女方的宅男，不過衛詩雅坦言有「毛管戙」感覺，最令他印象深刻的則是前輩鄭子誠，因「完美奸人」深入民心，令她狂笑難以入戲。
英皇藝人衛詩雅在新片《重口味》中，既要面對暗戀自己的宅男關楚耀（Kelvin），又要應付有「完美奸人」之稱的鄭子誠陰謀迫害，詩雅坦言拍到毛管戙，又失控傻笑。
Kelvin當孫佳君女神
詩雅戲中角色充滿神秘感，令宅男關楚耀陷入迷戀，劇情更交代他偷取詩雅抹過嘴的紙巾珍藏，詩雅說：「既感動又有啲毛管戙，因為傾劇本嗰陣Kelvin係平日個靚仔樣，冇諗過佢扮宅男咁神似，佢好用心演出，有場戲講佢要鬧我『賤人』，冇諗過佢會咁鬧我，所以好難忘。」
而另一個令詩雅留下深刻印象的則是「完美奸人」鄭子誠，她說：「我好唔好意思，對住前輩，我忍唔到笑，因為我諗番起細個睇《真情》，見到喺我面前嘅『子浩』好認真咁演戲，我好渣，係咁笑，我自覺好唔專業。」
Kelvin與孫佳君拍攝love scene時，則比詩雅淡定、醒目得多，他說：「孫佳君係性感女神，佢好有韻味，場戲講佢用『口』安慰我，一埋位佢完全lead住我，雖然有NG，但只係我睇番playback後，要求導演畀我嚟多次啫！」
攝：沈健程
場地：R9 Lounge Bar
文：影視組