張家瑩歎完牛扒餵蚊

亞姐張家瑩早前為亞視節目《品味珠三角3》到東莞拍攝外景，雖然明知要白色泳衣上陣介紹酒店infinity pool，但臨時卻上演了一場「矛盾大對決」，她說：「雖然一早知要着泳衣，點知拍泳池之前，先拍咗扒房先，嗰度啲極品牛扒，可以畀你親自行入雪櫃揀想食邊塊，再用荔枝木嚟燒，真係睇到都流口水，我實在忍唔住口，我都覺得自己凸咗個小肚腩出嚟。」
張家瑩穿上泳衣介紹酒店泳池，相當誘人。
張家瑩穿上泳衣介紹酒店泳池，相當誘人。

家瑩不但輸給自己的胃，更輸給跟她一樣識食的蚊，她說：「我拍嘅時候已經黃昏，始終係室外又種滿植物，啲蚊唔知係咪知道我啱啱食完牛扒，係咁追住我嚟叮！」

張家瑩暫停減肥，大歎極品牛扒。
  • 張家瑩暫停減肥，大歎極品牛扒。