關楚耀重新起步 慰抑鬱媽咪

出道七年的Kelvin終於捱出頭來，將於明天舉行處男演唱會《BREAKOUT》，日前他接受訪問時說：「今年三十歲終於可以開個唱，當新起步點，相信做完呢個騷，對自己以後嘅演藝事業目標更加清晰。」他承認早前膽粗粗向公司要求開個唱，他說：「估唔到公司肯幫我開。」

睇到心痛

早年在日本涉嫌藏毒被捕的Kelvin，透露當時令父母非常傷心及心痛，他說：「幾年前我喺日本發生件事令佢哋非常擔心，特別媽媽，搞到身體唔好。（抑鬱？）類似啲咁嘅嘢啦，呢一、兩年隔幾個月就要入醫院，睇到佢好傷，都係因為擔心過度。」問到母親現時身體狀況？他說：「已經好好多，見佢冇咁憂心。（食藥？）冇特別食藥，只係有少少抑鬱，依家都無睇醫生。」

關楚耀對媽咪患病於心有愧。（資料圖片）

關楚耀與師妹ＡＧＡ為演唱會綵排。

Kelvin坦言一度怪責自己：「見到媽咪咁辛苦、唔開心，絕對會怪責自己，我都有同爸爸傾過，佢話一味怪自己冇意思，不如將呢個心情化作力量，做好手頭上工作。」Kelvin續說：「雖然唔夠膽講呢一、兩年做到啲咩成績，起碼喺媽咪眼中覺得我好大轉變。」

此外，Kelvin昨日與師妹江海迦（AGA）一同為演唱會綵排，他大讚對方唱歌好聽，他說：「希望佢作首勁啲嘅歌畀我，可以喺台上癲啲。因為呢排我都操得OKo架，依家都38吋胸肌。喺屋企着條孖煙囪周圍走時，阿媽都話我真係大咗喎！」

採訪：音樂組

化妝：Hetty Kwong

服裝：Blue Heroes

場地：HIBIKI響．日式料理