糖妹轉戰視圈偷師練戲
歌手出身的糖兄妹成員糖妹，近日轉戰電視圈拍劇，有機會飾演葉蘊儀年輕版的她表示向前輩偷師。雖然現時重心放在拍劇，但飲水思源的她每次回到「發源地」獻sing，就覺得是自己主場，有份濃濃的情意結！
由商場駐場歌手搖身一變組合歌手的糖妹（黃山怡），走入公仔箱，孖住前輩級演員李麗珍、李若彤、葉蘊儀等拍無綫劇《M Club》，飾演葉蘊儀年輕版的糖妹，雖然與前輩相處的時間較少，但亦乘機偷師練演技，她說：「有時排舞會特登去探班，睇佢啲小動作。」
回到學生時代
糖妹又透露原來早在試鏡時，葉蘊儀已睇中她飾演自己的年輕版：「佢提出時大家都附和，我之後聽番都好開心好榮幸！」難得遇到機會，又可以與一大班同輩女仔合作，糖妹直言好像返回學生時代，她說：「成班女仔嘻嘻哈哈好開心，我哋直情喺電話開咗個group chat，好sweet！」
雖然現在重心放在拍劇，但懂得飲水思源的糖妹每次回到「發源地」商場表演時，都有份情意結，她說：「嚟親都感受好深，我同糖兄每次新碟發布都喺呢度，生日會又喺度搞過，次次返嚟都覺得喺我主場咁！」糖妹又笑言在這個「發源地」表演，感到分外輕鬆：「唱都唱得放啲，我同糖兄簽約之後都繼續喺度唱咗一年，對我嚟講好有意義！」
Don大讚師姐
同樣在該場地被人發掘的師弟、享樂團主音Don亦表示很感恩：「有好多創作樂團都喺度唱過，但有幾多隊可以夢想成真出唱片？」他又大讚糖妹這個師姐很稱職，不時幫助他們解決困難。
攝影：吳文聰
場地：朗豪坊
文：專案組