張暖雅「被推job」致抑鬱
內地女星張暖雅日前宣布與經理人公司解約，她自爆在半年前公司幫她推job，令她患上抑鬱，她說：「喺半年前人哋搵我做嘢，公司以天價幫我推咗，仲搵第二個藝人補上。當時我很不開心，搞到有抑鬱，唔想出街同食嘢，結果瘦咗好多。（生活有問題？）我有積蓄，生活都無問題。」
張暖雅坦言不獲公司重視：「好記得嗰陣拍完個廣告，諗住叫攝影師幫我影多幾張相放喺官網。公司同事嗰陣叫我快啲走，原因係時間已經留咗畀其他藝人。」
近日張暖雅與鄭中基及雨僑等人合演電影《猛龍特囧》，在戲中暖雅飾演大律師，並要講得一口流利英語，她說：「入面有好多專業名詞，有時啲名詞當日先畀我讀，所以我都用咗好多時間去記對白同發音。」