巨聲幫大孖周志文在重頭劇《衝上雲霄II》中飾演暗戀胡杏兒的飛機維修員爾泰，劇中他經常稱呼杏兒做「大佬」，卻被網友笑言「好煩」，志文笑言這是角色設計：「我個角色好尊重杏兒，而且幾古肅，所以成日大佬前大佬後，希望佢留意到我先再講落去。今次要演繹暗戀人係幾難，但杏兒好好，事前會同我哋溝通好晒點拍。」
提到與兩大型男吳鎮宇及張智霖（Chilam）合作，志文直言獲益不少：「鎮宇一早熟晒分場，但去到現場先同我哋Jam對白，試到大家好真實嘅反應。Chilam就好親切，試過收工請食飯，佢演Cool魔好特別，港劇好少呢類角色。」