海味狂賺人仔 余宜發恨咀

周海媚（海味）昨日到觀塘宣傳《神鎗狙擊》後隨即飛到北京工作，她說暫未計劃再拍無綫劇，因賺「人仔」要緊：「都係以內地為主，梗係賺人仔，人仔值錢嘛，嚟緊都係拍內地劇同廣告，仲有兩部電影傾緊。」
海味現主要拍內地劇及廣告。
海味現主要拍內地劇及廣告。

劇中演海味前男友的DJ余宜發首次拍劇，他遺憾未能咀「女神」海味：「第一次拍劇，本來第一場戲就要同海味咀，但場戲臨時冇咗。」

余宜發（左）與司儀何傲兒密密斟。
  • 余宜發（左）與司儀何傲兒密密斟。