千嬅追多件 老公逼啪丸
楊千嬅昨日性感出席活動，對於丁子高被指禿頭，她笑指不覺老公禿頭，更爆他要生仔及生頭髮，經常食藥進補，更叫她一齊「啪丸」。
楊千嬅昨日以全球首位代言人身份出席護膚品牌Osiao活動，同場還有前天氣女郎黃婉曼及社交界名人羅愛欣。穿吊帶低胸露背晚裝的她真空上陣，性感迷人。問酬勞有多少位數字，她說：「幾好位o架，個位唔錯。（有冇七位數字？）OK啦。」有傳該品牌原本由王祖賢擔任代言人，千嬅說：「唔知喎，我一路喺廣州拍戲，尋晚先返香港，唔知呢啲報道，娛樂圈呢行有好多呢啲誤傳同奇怪嘅新聞。（傳你幫王祖賢鋪路。）真係唔知，如果係幫都幫我個仔鋪路。」
否認半夜嚎哭
提到丁子高被指禿頭，千嬅笑指不覺老公禿頭，更稱每個男人「他朝君體也相同」，禿頭不會是她老公的專利。她更爆對方要生仔又要生頭髮，故經常食中藥及營養補充品，還會叫她一齊「啪丸」。
有傳千嬅擔心囝囝學業而半夜嚎哭，她說：「我點會嚎哭呀？唔通佢地養鬼仔？點會知？我個仔得十五個月大，仲係BB，點會擔心佢學業？唔使擔心住，學業佢大大吓會識，我淨係想個仔有個快樂童年。我要緊都緊佢唔肯叫媽咪，明明識叫都唔叫，我注定畀個仔『食住』。佢會叫爹哋，驚爹哋，令到我有啲呷老公醋。」她又稱想囝囝認識多些小朋友才返Playgroup，怕囝囝性格孤僻，故想追多個。
文：名人組