葉璇友情價撩林峯復合
藝人林峯、葉璇和金燕玲為新劇宣傳。林峯和葉璇曾傳出緋聞，事隔多年葉璇親自邀請林峯再度合作，感情有增無減，昨日二人在台上不時密斟。葉璇坦言見到對方現在愛情、事業和生活發展順利亦感到安樂。
林峯和葉璇十多年前曾因合作劇集而傳出緋聞，事隔多年二人再度合作劇集《紫釵奇緣》，昨日更聯同金燕玲到無綫為劇集宣傳。事隔多年林峯與葉璇仍然老友台上不時密斟。葉璇直言是親自邀請林峯演出劇集，她說：「同佢合作係我多年來心目中潛在一個願望，大家係默契上嘅拍檔。（友情價？）係，我哋友情珍貴嘛，大家好朋友，但都仲係好貴。」
忙到冇拖拍
問到林峯已經拍拖有千語BB，問到葉璇的感情狀況，她說：「我個BB？我冇佢咁幸運。（狀態？）佢好忙都有少少時間拍拖，我狀態比佢仲忙，連少少拖拍時間都冇，冇乜人會鍾意我呢啲咁忙嘅人。（唔急？）唔急，睇到阿峯咁好我已經好開心，我同佢一齊成長，佢嘅路發展好好，生活、愛情和事業都好好，覺得好安樂。佢有請我睇佢演唱會，佢十年前嘅夢想成真，戥佢開心。」談到二人過往的緋聞，她認真地說：「我哋算係傳過啦，以前有啲緋聞叫做有來往，但我哋都十年冇見過面，係有默契嘅拍檔。」
否認戴婚戒
林峯直言葉璇離開無綫後已十年冇與她聯絡，但大讚她現在身兼老闆十分成功。他表示已完成三部劇集現階段要返港「回氣」，問到會否與女友吳千語到外地旅行，他說：「呢個再講啦，正常生活。（有計劃？）冇，做好手頭上工作。」問到中秋節會否到女友家拜訪，他說：「私人嘢唔講。」對於有讀者爆料指林峯在港姐決賽當晚無名指上佩戴戒指被指已婚，又指林峯擔任評判下，令貌似吳千語的冠軍陳凱琳和亞軍蔡思貝獲獎有不公平之嫌，林峯說：「戒指係我代言產品嘅贊助，只係好正常嘅飾物，多謝大家關心。」
文：影視組