Kary胸壓韓模浴室戲水
吳雨霏（Kary）新歌被指是描述與余文樂的半年戀情，日前她為此歌拍攝MV時，就特別找來和樂仔感覺截然不同的韓國型男做男主角。Kary不但連番胸壓型男，更大玩鴛鴦戲水，但她否認將與樂仔的拍拖經歷放入MV中。
Kary日前為自己親自作曲的《今夜煙花燦爛》拍攝MV，特別找來一名高大的韓國男模和她在戲內談情，兩人恍如香港一日遊般，特地到天星小輪和港鐵取景拍攝，更要在眾目睽睽下於港鐵車廂內纏綿，向男模大送波餅的Kary坦言頗為尷尬：「因為冇包一卡車廂拍攝，所以都幾多人圍觀，不過幾好玩嘅，我幾年冇搭過港鐵喇！」
肉帛相見緊張
好戲在後頭，拍完外景，Kary和男模移師到屋內繼續纏綿，兩人更由飯廳轉戰床上，再殺入浴室「肉帛相見」！被困在狹窄企缸中的兩人未知是否太過緊張，拍攝期間一直保持距離，男模亦不敢直視淺露事業線的Kary，事後Kary解說「無言以對」的因由：「其實都幾緊張，同埋唔係好溝通到，雖然我都有睇吓韓劇，但唔算好識韓文。不過佢都有教我講幾句，仲教咗我一個依家好hit嘅潮語。」問到可曾與男友鴛鴦浴？她笑言：「我日日都同鴛鴦橡皮鴨一齊沖涼！」
唔怕對號入座
Kary曾坦承新歌內容有提及她和舊愛余文樂的開心片段，問到可會擔心fans將MV劇情與兩人過往的經歷對號入座？她說：「真係咁諗都冇辦法，我都係當演戲咁去做，其實搭港鐵嗰啲都唔會係真啦！」不過對上一次是由樂仔幫Kary做MV導演，今次再拍MV可會有回憶？Kary大笑：「唔會啦，過去咗唔諗喇，梗係覺得我呢個MV仲正啦！（要好過樂仔？）又唔係嘅，上次佢拍嗰個我都好鍾意，不過期待呢個MV多啲囉！」
文：音樂組