蔡少芬停工湊楚兒開學

每年9月開學日，不少圈中家長頓成緊張大師。育有兩名女兒張楚兒及張信兒的蔡少芬，早已為兩歲多的楚兒鋪路，楚兒未夠一歲已入讀預備班，又聘請英文老師補課，終於成功考入陳慧琳大仔劉昇位於紅磡的英文幼稚園。而近年身價暴升、有指以每集約25萬港元接拍內地劇的蔡少芬，為了愛女的學業，不惜推掉劇集，專心培養楚兒，而半歲大的細女信兒則交予姨姨照顧。

偷閒兩個鐘做自己嘢

廿四孝媽咪蔡少芬昨日上午約9時送楚兒返學後，11時又親自回來接放學，精靈的楚兒自己孭着書包、拖住媽咪步出，並有禮貌地向老師揮手道別。甫見記者在場，楚兒對鏡頭表現好奇，蔡少芬便叫囡囡向記者哥哥姐姐打招呼，楚兒細細聲說出後，更興奮地不停揮手，甚為乖巧。問到蔡少芬女兒會否怕上學？她說：「唔驚，佢之前喺上海有讀過學前班，所以返學冇喊冇扭計，仲好開心，反而我就驚喇，我今朝差啲遲到呀。如果我喺香港就會盡量自己接送。」問到她接送楚兒上學，是否由老公張晉照顧細女信兒？她說：「老公喺內地開工，信兒交咗畀阿姨湊，等我可以專心湊楚兒返學，好彩細女畀阿姨湊咋，大女返學時，我先有兩個鐘私人時間做自己嘢。」對於暫時停工陪楚兒上學，蔡少芬表示：「唔使開工當然因為個女啦，開學好緊要，個女要有安全感，有媽咪陪住好好多。」

邱淑貞二女沈日入學校時似乎仍未瞓醒。	邱淑貞	歐倩怡接一對仔女放學，囝囝郭令山「醒目地」掩面。

歐倩怡大仔照顧細女

此外，圈中同屬緊張媽咪的歐倩怡，昨日下午約4時亦親自駕車到九龍城接載一對仔女郭令山及郭以雅放學，兒子步出校門興奮得跳樓梯級，女兒則醒目地向記者揮手。歐倩怡表示仔女都乖乖返學冇扭計：「其實佢兩個都返咗一段時間，妹妹雖然返學前班，但有哥哥睇住，佢都好淡定，（囝囝明年升小一，有冇心水學校？）都係大部分家長啲心水學校啦，（有冇學嘢加分？）個仔一向有學小提琴同溜冰，不過唔係為加分。」至於邱淑貞與沈嘉偉的二女兒沈日，昨早8時許便乘七人車，由兩名工人陪同下，到達司徒拔道的國際學校上課，穿上運動衫的沈日看似仍未瞓醒。

咬手指

撒嬌

文、攝：追蹤組