Super Girls日本有艷遇

組合Super Girls昨日到電台為「萬成永成攝影器材」廣告新歌《迷失東京》宣傳,廣告在日本東京拍攝,成員Aka和Heidi完成拍攝後獨自留多兩日旅遊,她們表示因早前日圓下跌,在當地瘋狂濕平花費接近五位數字,更自爆有艷遇:「我哋蕩失路,喺同一個地方兜咗幾次,有個日本男仔見到,走埋嚟幫我哋,都幾靚仔,最後我哋都有合照!(咁有冇交換聯絡?)佢有問我哋,但髮型師幫我哋拒絕咗。」另一成員Yanny透露在日本有醉漢希望找她們合照,幸好攝製隊當中的男士們挺身而出幫她們拒絕。