G.E.M.同林宥嘉財政獨立
早前病到七彩而失晒聲的歌手鄧紫棋（G.E.M.），昨日出席活動時依然「鼻盟盟」兼「男人聲」，提到台灣男友林宥嘉可有「嘉」以慰問？G.E.M.卻多次尷尬「閂閘」，對「嘉棋戀」不願多談。
「小巨肺」G.E.M.（鄧紫棋）昨日出席預防子宮頸癌講座，頭紮「大髻」到場的G.E.M.指早排旅行時買下很多頭飾，所以想大玩復古風轉換新形象，問到是否由男友林宥嘉「埋單」？G.E.M.就避談說：「我自己畀錢嘅，財政獨立呀。」
重感冒變男人聲
問到G.E.M.的重感冒是否痊愈？她就笑言自己變了「男人聲」，又大呻：「我依家成個音域下降咗，雖然唱到以前唱唔到嘅低音，但去唔番以前咁高音。」她又指明明已服藥六天，但情況仍未好轉。至於男友可有呵護她？她繼續「落閘」說：「身邊朋友都好關心我，我諗我真係要早啲瞓先得。」又扯開話題說：「嚟緊同樂隊太極合作，又有巡唱，我都好擔心受影響，如果唱唔到激昂嘅歌，可能改唱sweet歌啦。」
冇叫男友打針
另外，G.E.M.又指自己已經完成接種HPV疫苗，媽咪同妹妹都有做，問到可會推介男友接種？G.E.M.再次尷尷尬尬地說：「家人朋友歌迷都會叫，呢啲嘢要自發做。」
文：音樂組