Mandy老闆練武 食完蕉接招

名模Mandy Lieu昨日以deep V裝出席她有份合資的娛樂文化公司簽約活動，實行自己開公司捧紅自己，而其好友黃柏高、名媛陳君宜、藝人倪晨曦等亦到場支持。Mandy透露自己投資了七位數字，榮升老闆娘的她謙稱只是小生意。

問Mandy可有參與公司的管理或挑選模特兒等事務？她坦言自己近日忙於拍電影，故沒太多時間參與公司事務：「就快拍一部好大嘅動作片，喺台灣拍。依家成日訓練，一日打十幾個鐘，冇時間食飯。大家食完蕉就接招，打到手腳都瘀，不過冇打面。」再問Mandy知不知曾與她傳緋聞的金剛，與歌手蕊蕊拍拖？她坦言：「唔知，我連飯都冇時間食，冇聯絡。」

轉用中文名

Mandy又宣布之後會用中文名劉碧麗：「一出道已經有人咁叫我，係公關幫我改，不過我否認咗好多次都冇人理。依家用咗咁耐，而且做嘢又好順利，就好似宇宙畀我嘅名一樣，所以今日（昨日）起我承認呢個中文名。」

眾模特兒在烈日下跳落泳池，認真透心涼。	黃柏高（左）與吳嘉龍（右）祝賀Mandy做老闆。	前Canon女Melanie Z.穿清爽裝束現身。

陳君宜透露自己為打理網上時裝生意，不時要到內地及韓國，問老公可有投訴？她說：「佢都冇時間，佢成日去內地做嘢，好少機會見。」她坦言很信任老公，不怕有小三：「我唔會check佢手機，反而佢會check我，怕我被人追。」

文：名人組