黎明取代尊龍 演唐明皇

久未露面的黎明昨日為籌款活動現身，他表示每年有300萬嬰兒因疾病活不過28天，現三間私人商務租機每一次包機都會捐出等於5,688劑破傷風疫苗，目標一年內籌港幣逾106萬元（即136,800美元）。

范冰冰做楊貴妃

至於黎明日內便會到內地拍戲，日前便有他在內地為電影《楊貴妃》試造型的報道，並指黎明飾演唐明皇一角，范冰冰則演楊貴妃。昨日問到黎明，他說：「你哋問劇組啦，唔好問我，我知我演咩角色，但劇組冇叫我哋講嘛，咁就唔講得啦。」

據知這部《楊貴妃》籌備至今4年並曾多次易角，除女主角范冰冰外，戲名、導演及演員均幾番轉變，有指黎明的角色原是尊龍來演？黎明再謂：「我唔知，人哋之前幾時開我都唔知，聽過呢個傳聞係有呢件事發生過，但點解成個劇本改過就要問番電影公司嘞，我哋作為演員唔會好似記者咁問番人。（因為角色好而接拍？）成套戲唔係只為一個角色，都要整體好，唔係獨立選美個人騷嘛。」對執二攤演出，黎明大方說：「執十攤都冇所謂，從來冇呢個諗法，人生有選擇權，你可以揀我，我亦可以揀你。（演唐明皇？）問電影公司啦。」而黎明唯一透露導演是內地人並非韓國人。

范冰冰貴妃造型騷性感。（資料圖片）	尊龍	黎明出席籌款活動，陳倩揚擔任司儀。

曾獲白龍王指點

至於工作以外的私人事，黎明稱沒有事可以分享。提到白龍王病逝，黎明稱當年拍戲見過對方一面，並指點他在修養及脾氣方面再好些，做人就會更加好。 文：音樂組