傅嘉莉經期失調要進補

模特兒傅嘉莉（Kelly）憑《衝上雲霄II》的「咖啡妹」一角彈起，昨日《好報》報道她因不堪工作壓力而要針灸調理經期及跑步減壓，Kelly昨日接受電話訪問時坦承電視劇出街以來面對不少壓力，她說：「做藝人嘅壓力真係大過做模特兒好多，睇到討論區好多人對我嘅角色有唔同反應，有好有唔好，有啲人甚至會寫埋粗口，見到當然會在意，但我要學識面對，依家拍緊另一套劇，希望可以有進步。」