楊千嬅注定畀仔蝦
已為人母的歌手楊千嬅昨日出席apm舉行的緬甸親善探訪記者會，她在台上分享探訪經歷時一度眼濕濕，不過在探訪期間就沒有哭，因為面對小朋友要以正面態度。千嬅表示之前因拍戲而離開囝囝Torres多天，也會因太掛念囝囝而喊，她笑謂：「我估到個仔幾歲我都會係咁，呢個係性格。」
做完手術不造人
千嬅透露今次到緬甸一星期，由於當地通訊設備貧乏，故每到可接收Wifi的地方，她即時企定定跟囝囝視像通話，她感慨地說：「我依家明白到以前阿媽係好掛住我，我勁不孝，成日都係冇尾飛佗，孝順原來係要成日陪。」
千嬅待完成手上兩部電影後便會休息，專心湊仔：「我要成日對住個仔，因為太耐冇見，返到去個仔會生疏，佢仲會整鬼我，淨係肯黐住工人同我阿媽，始終自己湊好啲。每次我走咗十日、八日返屋企，都會發現囝囝有啲嘢唔同咗，大個咗，依家佢識叫爹哋先。」
對於Torres先學懂叫父親，千嬅無奈地稱注定被囝囝蝦：「佢決定咗要蝦我。（你係慈母？）唔係，我都會鬧佢，但佢望住我笑囉！我用手打佢隻手仔話No，佢就自己打自己隻手。」問到放假期間，會否趁機造人？她直言因為之前做了手術，故要休息半年。
文：名人組