洪卓立洩蜜 教訓歌迷
洪卓立（Ken）與緋聞女友湯怡被踢爆到日本沖繩拍拖後，即惹起立立fans醋意，有內地歌迷更直接用微信向Ken媽媽「逼供」，令Ken昨日在網上不惜得罪米飯班主，義正詞嚴地「教訓」一眾fans！
洪卓立與湯怡的緋聞傳了多年，兩人日前更一同「蜜」遊沖繩5日。由於兩人一直沒向外透露會「度蜜月」，故被眼利的fans從兩人的微博及Instagram的旅行相中踢爆秘密旅遊後，令立立fans醋意大發，竟直接找Ken媽媽出氣，用微信不斷轟炸她，追問兩人關係，認為兩人瞞騙了fans。Ken有感媽媽受騷擾，昨在Instagram打了一大段文字反鬧fans。
湯怡似做「小三」
Ken昨出席活動時被問到此事，他解釋只因事件牽涉到媽媽才如此動氣：「唔應該牽涉到媽咪，佢唔係呢行嘅人，有咩可以直接打畀我問。媽咪一向有同內地fans用微信溝通，今朝我先知有fans畀說話佢聽。」他又否認此行是蜜月之旅：「我哋一行八人。（同湯怡同房？）梗係唔係！（歌迷擔心你蝕底？）哈哈，係囉！」
問Ken母親可有不高興？他說：「佢擔心我啫。（擔心抱孫？）旅行啫，咩抱孫？」湯怡則透過電話訪問同樣否認與Ken同房瞓，又表示明白Ken歌迷的醋意：「冇辦法，佢係佢哋老公！搞到伯母唔好意思。」她又澄清未試過與Ken單獨旅行。
《歲月如歌》下周首映
另外，Ken與師妹許靖韻有份主演的微電影《歲月如歌》將於下周三假九龍站的戲院首映，入場券的相更與《衝上雲霄II》的海報非常相似，英皇高層吳雨表示絕非抄襲：「搞吓笑，套劇咁hit叨吓光。」《衝II》監製陳維冠亦表示不介意：「有人鍾意先拎嚟做。（追究版權？）唔理喇，我忙緊新劇。」
文：音樂組