曾志偉跪師母抱頭痛哭

深受圈中人篤信的白龍王日前因支氣管問題病逝，消息傳出後，不少圈中人紛紛透過不同渠道向這位長輩作最後致敬。

劉偉強代藝人問候

昨日於白龍王廟內設的靈堂上，中央位置擺放一張白龍王含煙斗照片，神壇四周則放滿弟子送來的花圈，當中有任賢齊、舒淇、王晶夫婦、孟瑤等。現場布置簡單，主要供弟子、信眾前來上香，入口處寫上周欽南老先生（白龍王真名）治喪處，靈堂內亦有一對輓聯。

志偉甫見師母即雙膝跪地以示尊敬。

昨日不少弟子及信徒前來向白龍王誦經。

前晚已飛泰國的劉偉強，昨早已現身白龍王廟。他甫見師母即輕抱安慰，期間更雙眼通紅。問是否很感激白龍王？劉偉強謂：「咁多年都係，知道佢兩、三個月前入院，以為情況會好啲，直至兩星期前就出現昏迷。我唔知有幾多藝人嚟，但就好多人叫我傳話。今次主要都係安慰師母，聽日（今日）就要返香港拍戲。（九月一日再嚟？）只要有時間就再返，因為工作都要繼續。」

志偉閉目合十誦經，劉偉強則聚精會神望着一眾弟子。	梁朝偉希望白龍王家人好好保重身體。（資料圖片）	任賢齊與肥媽越洋送花圈。
吳佩慈亦是白龍王的信徒。

傍晚時分，志偉一身素服現身，隨即坐在一旁等待，見他眼光停留在靈堂方向似若有所思。當師母出現時，志偉主動上前並雙膝跪地，師母見狀亦攬着志偉的頭，一臉哀傷。二人到靈堂閒談，期間更雙雙流淚。

於晚上舉行的超度儀式上，由一位師傅率領廿四名穿上白袍弟子誦經卅分鐘，志偉即閉上眼睛，劉偉強則聚精會神望着一眾弟子。事後志偉透露於靈堂想起師傅：「識咗三十年，佢係良師益友，好尊重佢，佢嘅離去好難過，我當佢係家長咁，佢對每個子弟都平等，係智者。（同師母講咩？）都係傾番關於喪禮事情、點安排，為師傅做好身後事先。劉偉強比我早到，我都係代身邊朋友送問候畀師母。」

將於「欽南堂」土葬

由於志偉稍後要為港姐比賽擔任司儀，故在此前必定前來向師傅鞠躬、上香，他又稱：「師傅在生時話有錢就捐，唔好買嘢嚟，例如幫啲冇錢殮葬嘅人做身後事。」據知，下月一日白龍王出殯後，遺體將於白龍王廟後的後花園「欽南堂」進行土葬。

另外，剛從美國完成電影《一代宗師》宣傳返港的梁朝偉，獲悉白龍王病逝表現難過：「多謝佢十幾年對我人生教誨，希望佢安息。佢嘅家人同師母節哀順變，好好保重身體。（出席喪禮？）遲啲有時間會探望佢家人。」