容祖兒自爆曾被劈腿

容祖兒昨日在電台節目中自爆中學時曾發現男友出外「食女」:「畀我知道佢有第二個,我個人係忍唔住,即刻話畀佢聽,冇喇!算啦!我唔可以扮冇事。第二次,對方好蠢又呃我,佢自己最後鬼拍後尾枕講咗出嚟,我畀人呃時會天旋地轉,我就癲咗。」近年不時回應感情事的祖兒說:「舊時未清晰自己咩感覺、好含糊,始終自己前幾年焦點擺係工作。」她坦言每個人都需要愛情滋潤,她說:「我覺得愛情係生活一部分,只要件事唔好扭曲、冇帶攻擊字眼,我唔介意分享,每個人都要愛情滋潤。」