倫永亮演唱會上展「舞」功

音樂人倫永亮(Anthony)昨日到電台接受訪問,他指會在本月底演唱會上展現「舞」功:「我尋晚(前晚)上第一堂,發現跳舞唱歌真係好難,諗番阿梅(梅艷芳)又唱又跳真係好厲害。」Anthony又指現在加緊練琴,笑言可以彈到出神入化。

另外,Anthony透露正為演唱會瘦身:「我輕咗6磅,有營養師睇住我,每日淨係食3.5安士嘅嘢,不過我尋晚(前晚)衰咗,偷食咗半磅麥包。」至於嘉賓方面Anthony指會來者不拒,若見到老友就會邀請他上台jam歌,擔任《星夢傳奇》評判的他又指冇打算效法巫啟賢請節目藝人做嘉賓。