傅嘉莉捱插：唔好駁古
曾與吳卓羲傳緋聞的傅嘉莉，前晚挾住32C上圍在《衝上雲霄Ⅱ》中「處女」下「池」，可惜無綫選擇鏡頭由腳開始掃上去，低炒效果弄得Kelly被轟腿粗，加上一幕淺水浸親，立即被討論區巴打狂鬧劇情不合理，對此Kelly昨日透過電話訪問時解釋已經全力以赴，希望將最好一面呈現人前：「為拍呢場戲我已經跑步兩個月，一有時間又去做Treatment，足足瘦咗7、8磅，我知道上鏡效果會同真人差啲，唯有我再加把勁啦﹗」
Kelly對於浸親一幕又笑說只有兩個回應，一是希望大家「睇戲唔好駁古」，二是因為拍攝當日要就位置，又只得一次機會，所以淺水拍攝會比較方便：「我個身一濕就要等好耐先可以再拍，大家就當一個女仔從未掂過水，又無諗過咁樣落水所以嚇親啦﹗」亦有指情節像淫亂派對，成為焦點之一的劉俐於電話訪問中，認為身在三亞陽光與海灘，穿泳裝是正常不過：「唔通係泳池着羽絨咩，我哋都無做咩特別，我睇落好舒服啊﹗」
此外，網民成功發現吳鎮宇跟陳法拉在周三（14日）海邊一幕，去、回程時Sam哥穿的內褲竟由紅變啡，認真眼利得驚人，看來Sam哥以後連內褲都要慎重揀揀，或者買定一式一樣就最方便啦﹗
