三哥辭演新劇Bosco孭重飛
苗僑偉（三哥）原本與老友黃宗澤（Bosco）於八月底合作新劇，不過據知三哥臨時有事被迫辭演，由Bosco孭重飛。Bosco坦言覺得可惜，快將開蠔吧的他更笑說：「要佢之後喺我舖頭消費七位數字！」
三哥與Bosco之前合作無綫劇集《好心作怪》成為好友，原本八月底二人有機會再合作拍攝監製莊偉健新劇《點金勝手》（暫名），不過據知苗僑偉臨時有事要辭演，監製莊偉健承認此事，但沒有找人頂替三哥角色，只是更改劇本，令故事更加年輕化。
《點》劇以金融界為題材，Bosco飾金融界的風雲人物，其他演員包括黃智賢、徐子珊、陳敏之及胡定欣等。飾演有錢人的Bosco甚好艷福，胡定欣飾演他太太，徐子珊則會介入他們婚姻，構成三角關係。由於三哥突然辭演，加重Bosco戲份，幾乎全套劇他由頭帶到尾。
笑屈七位數
三哥昨日接受電話訪問坦言因自己的檔期未能配合，才無奈辭演。他說：「我有啲嘢要搞，都覺得非常唔好意思。（身體有冇大礙？）冇嘢，冇事，因為我有啲嘢要搞。」Bosco則稱仍未知道角色及故事，但得悉三哥辭演大嘆可惜。他謂：「梗係覺得可惜！我幾掛住佢，要佢請我食30次飯， 跟住第日要喺我餐廳消費七位數字！（開張嘞咩？）裝修緊！」記者笑他的角色如真人一樣是「才俊」一名，他笑謂：「講笑咩？搵食啫！慢慢嚟。」
文：影視組