歌手陳柏宇（Jason）昨日出席活動時透露正籌備年尾個唱，問到屆時可會爆衫騷肌？Jason就賣關子話：「有得爆就爆，冇得爆就爆其他嘢！」提到女星張暖雅的裸照曝光，Jason直認同女友一齊睇過，笑言唔敢望得太入神，Jason同時大讚張暖雅有身材，又話：「應該係藝術相，唔似曳曳完影嘅。」至於可有同女友影過床照？Jason話無，仲踩女友唔夠性感：「佢唔係性感個款，但佢好識chok，仲成日會要我扮可愛合照。」
