林芊妤子宮頸病變 拍劇出血

曾為「Sing之天使」之一的「雪梨」林芊妤（Coffee），入行多年曾跟胡杏兒、金剛等合作拍劇，去年在《耀舞長安》一劇中飾演哨牙妹已引起注意，不過最近在《衝上雲霄Ⅱ》中，以比堅尼盡展34D逼爆身材，並在沙灘胸壓馬國明一幕，即時成為亮點之一，不少宅男均在網上紛紛討論。

有復發機會

胸壓彈出，Coffee笑言怕被馬國明的粉絲罵，並不忘大讚馬國明為正人君子。因要有身體接觸，Coffee說拍攝前馬國明主動跟她溝通，所以全程拍得十分舒服。Coffee說：「拍時佢目不斜視，拍之前佢仲細心解釋話會掂到我，佢好正經。」

劇接劇的Coffee，原來於兩三個月前接受身體檢查時，發現子宮頸病變，即是子宮頸癌前期，故即停工休養。Coffee說：「中咗兩隻子宮頸高危病毒，自己當時都好驚，即刻入院做手術，切除子宮壞死組織部分，好彩唔會影響以後生育。依家我淨係希望唔好惡化成Cancer，因為仲有復發嘅機會，自己當時都已經即刻停工休養，好在公司都好體諒，畀我放咗個幾月假。」

傷口受感染

經過一輪休息後，Coffee在拍攝《My盛Lady》時，卻因手術傷口感染及下體突然出血，她說：「當時流好多血，又唔敢同工作人員講，後來監製知道，都好緊張，仲即刻安排同事陪我走，監製仲話：『人哋唔知仲以為我收賣人命！』真係好多謝佢哋咁體諒，依家的確係接少咗job，同埋每三個月要去醫院check，做子宮頸檢查，亦都打番子宮頸癌預防針，希望唔會再有事。」

文：專案組