Christina減磅谷胸回歸

美國女歌手Christina Aguilera前日現身於全國廣播公司（NBC）的宣傳巡禮，為將回歸的歌唱比賽真人騷《完美SING戰》（The Voice）站台兼晒修身成果，同場男拍檔Adam Levine就鬼馬回應「討厭國家」言論！
Christina谷胸騷修身成果，狀態大勇回歸。（美聯社圖片）
Christina谷胸騷修身成果，狀態大勇回歸。（美聯社圖片）

宣傳巡禮一連幾日於美國比華利山舉行，前日《完美SING戰》三位評判包括Adam，以及同樣缺陣上季的Christina和饒舌歌手Cee Lo Green，與製作人兼主持Carson Daly力谷第五季節目。休養半年的Christina着連身裙谷胸現身，大晒清減不少的fit爆身形，狀態大勇的她又解釋自己上季為休息和湊仔而暫別，更大讚「頂更」的Shakira表現出色，而另一回歸的評判Cee Lo Green就指見到Usher「頂更」感覺奇妙，似靈魂出竅一樣。

Adam（左）自爆經常激嬲人，大方化解言論爭議。（美聯社圖片）
  • Adam（左）自爆經常激嬲人，大方化解言論爭議。（美聯社圖片）

GaGa人格分裂

早前於節目中講過「討厭自己國家」的Adam亦再被記者追問回應，曾澄清只為講笑的他再道：「唔係存心冒犯就得，而且人根本無法解釋每隻字，反正講嘢激嬲人都係我性格一部分！」而另一評判Blake Shelton雖然因開騷未有到場，但Adam亦有講到Blake連贏3季的輝煌戰績，又識做表示：「我都好討厭佢連贏3次，但我哋可以教參賽者又幫到佢哋，已經算贏啦！」

另外，Lady GaGa男友Taylor Kinney亦有現身宣傳巡禮，不過GaGa近日就被好友大爆人格分裂，分不清表演和現實，而且沉迷刺激性愛兼濫交，更不惜一切要得到自己「睇中」的男人，有指她與Taylor拍拖都靠「撬牆腳」。

文：外娛組