四太宮廷見公主

「路易十三皇家夜宴」前晚在澳門舉行，現場仿梵爾賽宮布置，盡顯奢華，法國國王路易十三直系後裔Princess Tania de Bourbon Parme及其丈夫Louis受邀出席，同場亦有眾多名人嘉賓撐場，並以宮廷服裝打扮示人，如主人家Deborah Hung、郭秀雲、陳姿允等，當中谷胸上陣的薛芷倫以粉紅透視裝搶盡鏡頭，其前夫馬清偉亦有同場。

賭王何鴻燊四太梁安琪透露因工作勞碌而導致聲沙沙，並承認其子猷亨到羅馬做暑期工：「返咗嚟喇。（點解去羅馬做？）我都想知，你哋見到問佢啦。」問到為何女兒超盈不一同前來，她即問在旁的公關：「你有冇請佢？可能忙，出面大風又大雨。」問到送甚麼禮物給剛生日的猷亨，四太笑掩心口說：「送個心！」

名模陳祉妤（左）、郭秀雲與丈夫龐傑（右）

薛芷倫谷胸上陣，以粉紅色透視裝出席夜宴。

首次拖新歡現身的林忠豪，強調女友不願「曝光」，只介紹女友為S小姐：「尋日（大前日）都畀你哋影到啦！（女友詐型？）咁又冇。」據知S小姐名為Susanna。對於早前拍得陪新歡湊仔，他避談女友已育有一子：「呢個唔講，（成日同佢小朋友玩？）我成日同佢（女友）一齊。」同場的陳百祥（叻哥）大讚晚宴有逾20億的珠寶騷，非常豪華，又笑言晚宴上多美女而不攜眷出席。

馬清偉與女友Winnie	周國豐伉儷	名媛榮文蔚
陳山海與太太李碧君	林忠豪（右）、女友Susanna（左）	許冠文（左）、陳百祥（右）
名媛陳姿允

陳山海撐山聰「好忙」

早前跟睹王三太女兒何超雲分手的陳山聰連月來避世，其胞兄陳山海與太太前晚在活動上被問到為何山聰不來，山海透露：「佢好忙，忙緊自己嘢，等佢自己講番啦。（唔見佢出現幕前？）唔係呀，都見香港啲人成日搵佢。（山聰財政狀況點？）唔清楚。（係咪鼓勵佢復出？）等佢自己決定。（TVB有冇聯絡佢？）唔清楚。」