鄭俊弘出跪拜巫啟賢為師

馬來西亞歌手巫啟賢為無綫歌唱比賽節目《星夢傳奇》擔任評判時，對參賽者鄭俊弘有讚冇彈，令這位在無綫打混十年的四線小生一夜成名。前晚，Fred首次踏足會展大舞台，為巫啟賢《那些年我們一起唱情歌》演唱會尾場擔任嘉賓，據知其緋聞女友姜麗文亦秘密撐場，本以為今次Fred星夢成真，怎料原來是造就另一個傳奇誕生。

搞清楚抽佣問題

Fred出場後開口唱出第一句《夜夜夜夜》時，麥克風突然「失聲」，幸好未有影響表現。為報答老師的知遇之恩，Fred突然在八千觀眾面前上演一幕跪地拜師：「我諗咗好耐都唔敢講，巫老師可唔可收我為徒？」被殺個措手不及的巫啟賢上前欲扶Fred起身，殊不知他今次不容「徒」勞無功說：「你答應我先！」巫老師拖着對方的手說：「呢個責任好大，將來你真係可以好捱得鬧？」Fred信誓旦旦回答：「我咩都得，炳都得。」

巫老師受感動下答應收為徒，兩師徒更相擁廿秒，全場動容。榮升「巫師」的巫啟賢更打趣道：「我諗緊抽佣問題，等陣去後台搞清楚。」

張兆輝當張家輝

事後，Fred表示將會請師傅巫啟賢食「入門飯」，更笑言會帶女朋友給師傅過目。

另外，巫啟賢在台上換衫時被粉絲大叫除衫，但想不到令他老貓燒鬚，將張兆輝與八舊腹肌的張家輝搞亂：「除衫？你估我係張兆輝咩？遲啲啦，我攞八舊腹肌出嚟先，不過係畫出嚟。」

文：音樂組