Mandy Lieu動春心 放風求偶

名模Mandy Lieu、歌手龍小菌、前亞姐張家瑩、演員陳爽及模特兒Alice B.昨日出席「apm八周年×小飛俠‧阿童木放送50周年祭Ohya時裝秀」，陳爽與張家瑩均以大露背上陣，Alice B.更中門大開騷半球，非常性感。

與柏霖仍有聯絡

Mandy自爆將榮升姑媽，但嫌身份老氣，她開心地說：「我細佬個仔下個月就出世，我拍完戲就會去馬來西亞探佢哋。」最近有傳Mandy與舊愛陳柏霖復合，她反應甚大：「係咪你作o架？梗係唔係。」她坦言與柏霖仍有聯絡，Mandy Lieu還打趣叫記者介紹男朋友。對於緋聞男友金剛，她笑說：「似乎大家都好鍾意金剛，佢係你哋夢中男友。哈哈！（你唔接受佢？）冇，同佢係朋友。（佢為咗你喺獎門人節目食晒啲刨冰。）佢真係好有風度又風趣。」

Alice B.（左起）、陳爽、Mandy Lieu、龍小菌及張家瑩化上靚妝出席「阿童木」活動。

Alice B.自信上圍會愈來愈大。

另外，龍小菌首次行騷，她直言心情十分緊張，故動作略為生硬，她說：「我之前冇呢啲經驗，到場先知要行騷，即時向其他模特兒偷師。今次係為慈善，所以OK。」小菌與其他模特兒比較，衣着最為密實，她稱：「我唔想露肉，冇乜必要，唔會因為露肉而籌多啲錢。件衫唔係我揀，我事前同設計師溝通過，佢為遷就我而設計。」至於是否緋聞男友兼經理人邵子風不准她行性感？她即時否認：「我冇男友，即刻介紹個嚟。」

陳爽（左）與張家瑩大騷白滑玉背。

龍小菌比緋聞男友兼經理人邵子風足足高出一個頭。

賺錢飛倫敦會母

早前因母患病而抑鬱消瘦的Alice B.甫見記者即主動說：「我依家個胸大咗，可以着到件衫，我OK啦！（回復正常體重？）我唔知，但你哋下次見我，我個胸會更大。」問到現時情緒如何？她自稱是世上最開心的人，而母親的病情差不多，她說：「佢喺倫敦等緊我返去，但我想搵多啲錢，過兩個月先返去。」

文：名人組