鍾嘉欣生Ｂ要趁早

鍾嘉欣昨日出席親子活動，在台上不時逗BB玩，又跟粉絲玩遊戲。當她得知有男粉絲叫Landon時即讚對方有品味，自爆將來亦會為自己BB取名Landon。她說：「當年媽咪佗住細佬，我就想細佬叫呢個名，點知媽咪唔小心小產。」她希望35歲生仔，愈早愈好，因為後生身體比較強壯。
若有機會再出寫真，嘉欣希望到希臘取景。
若有機會再出寫真，嘉欣希望到希臘取景。

嘉欣透露寫真集反應不錯，若將來再有機會，希望到希臘取景。她說：「想像喺嗰度拍婚紗相好靚同浪漫。（去邊度影寫真你諗結婚？）地方唔重要，對方係最愛先最開心。」忙於為個唱操練的她會選唱王菲、黎明金曲，但她自認記性差，背歌詞很辛苦。記者指唱王菲的歌有一定難度，她說：「我唱高音比較適合。」

嘉欣ＢＢ逗玩ＢＢ，母愛洋溢。
  • 嘉欣ＢＢ逗玩ＢＢ，母愛洋溢。