吳卓羲羨慕張智霖好艷福
張智霖（Chilam）、吳卓羲（Ron）、胡定欣、林芊妤等昨日到荃灣出席劇集《衝上雲霄Ⅱ》宣傳活動，吸引過百粉絲到場支持。近期爆紅的Chilam除了俘虜一眾女粉絲外，更吸引大批傳媒連日追訪，但他不希望生活被騷擾，日前還報警求助。他說：「我揸咗架車去差館，因為我唔知應該點做好。（報警？）有，但係等咗好耐，所以我走咗，之後佢哋（傳媒）都好好，冇再跟。」
全程被Chilam搶鏡的Ron笑言：「我依啲做細嘅，『戥』腳o架咋！」提到Chilam和馬國明在《衝Ⅱ》有很多情慾戲，問Ron會否不開心？他笑謂：「有呀！希望《衝Ⅲ》會畀番多啲我，我知馬明好開心，咁刺激同咁有動感！我講馬明跑步嗰陣！」另外，林芊妤在劇中穿上比堅尼於沙灘胸壓馬明一幕令人印象深刻，她自爆拍攝時來月事來潮而令上圍升Cup：「嗰陣要塞棉條，又落雨，都幾辛苦。」
