周潤發情慾戲要太太批准

周潤發、謝霆鋒、杜汶澤、張晉、內地女演員景甜、童菲、孟瑤等昨午齊齊現身電視城，出席無綫有份投資的賀歲片《賭城風雲》，吸引逾百內地及香港記者現身採訪。發哥笑言近三十年沒正式拍賀歲港產片，對上一套賀歲片已是1988年出產的《八星報喜》。他又大開身旁霆鋒玩笑謂：「佢係我偶像，如果唔同佢拍套戲，真係對唔住佢伯爺同阿媽。當年佢伯爺對我相當照顧，我都盡我嘅能力，睇吓恰唔恰到佢！」他又笑指對方已結婚生子，霆鋒聞言即答：「我離埋（婚）嘞！」發哥回道：「嘩，仲快過我！」全場笑聲不絕。

讚黃翠如演技不俗

素來是無綫劇集忠實粉絲的發哥，昨午以「Sam哥頭」亮相。提到近期熱爆的《衝上雲霄Ⅱ》時，他大讚「Sam哥」與「Captain Cool」型爆：「兩個都係我偶像，好有味道，係馬國明曳啲，周圍有女友。胡杏兒又做乜對個大佬咁呢？殺死人咩。（有冇興趣拍番電視劇？）我驚我捱唔到。（近期啲床戲好激？）我冇所謂，但唔知周太點睇喎！」他又提及另一劇集《師父．明白了》，讚黃翠如演得不錯。提到到王維基統帥的「香港電視」發牌問題仍未解決，他笑謂：「遲早問題，應該多啲選擇畀觀眾好啲。」

霆鋒（左起）、杜汶澤、周潤發、王晶及劉偉強對新片信心十足。	發嫂甫出現，即惹來旁人爭相拍照。	童菲（左）密實打扮，被性感的孟瑤搶去風頭。

阿澤搵日本AV排戲

同場的阿澤終有機會夥拍發哥演戲，難怪他興奮地說：「可以趁機跟發哥學影相，又有水掠（指收片酬），真係好開心呀！」過往幾年阿澤都跟黃百鳴合拍賀歲片，今年倒戈相向，阿澤不諱言：「片酬加咗一倍，晶哥冇叫我畀友情價佢。」提到十月開拍的《豪情2》，阿澤笑說﹕「日本方面揀咗差唔多100位AV女郎出嚟再挑選，佢哋話唔識床戲假做，要求我過去同佢哋排戲先，為咗日本AV Girls，我梗係相當樂意啦！我依家都忙緊健身，希望健碩啲先去攻打日本，唔想做東亞病夫呀。」

另外，王晶雖不欲透露今次投資總額，但肯定發哥酬勞天價：「話唔係你都唔信啦，總之跟足荷里活條件。不過佢兩公婆好好，無要求做足一百分，八十分已經接受。」他又強調今次題材與賭博關係不大，發哥今次角色亦與過去「賭神」大相逕庭。

文：影視組