張暖雅認老遭公司打壓

「內地乳牛」張暖雅與經理人公司意見分歧,前晚出席活動時宣布解約成功,兼且不用賠錢,更踢爆有人以溝女為名,把原本屬於她的工作轉讓給別人。對於不少嫩模奇招突出,張暖雅笑言自己已老,不敵香港女仔搏殺。

張暖雅前晚性感現身書展,力撐一同演出過電影《一路向西》的內地女星莫綺雯,不過穿上桃紅色低胸裙的暖雅卻衣不稱身離罩,露出內裏的黑色胸圍,還不時俯身為粉絲簽名。

捐二萬元「紫藤」

談到一眾嫩模於書展為博出位各出奇招,暖雅不諱言自愧不如,她謂:「香港女仔好搏,我兩個真係冇辦法,冇人哋咁多招。(點睇「漏M女」行為?)可能我老,真係好誇張,所以要用其他辦法,就係將賣出嘅寫真集啲錢捐出嚟,呢張2萬蚊支票係畀紫藤做慈善,呢個機構係關懷性工作者。」

談到日前於微博上載哭泣相,暖雅表示近日受工作困擾,與公司方向不一,又受了不公平待遇,結果雙方花了3小時談解約。她謂:「工作都係自己接,但到最後有人為溝女,將我嘅工作畀咗第二個,呢年我幫公司賺咗7位數字添,好在都唔使賠錢。不過言語上都覺得我唔靚同年紀大,既然自己公司都唔欣賞旗下藝人,再努力都冇用。」

對於暖雅指被公司不公平待遇,其公司發言人昨日接受訪問時,坦言鑑於對方工作態度及私人事出現嚴重問題,雙方已於幾星期前解約,不過其合約至本月底才正式結束。

李曼筠寸追求尖面

提到暖雅踢爆有人溝女,發言人謂:「絕對冇呢件事,清者自清,我都畀人投訴偏心佢,連李蘊都不滿,如果佢再對公司有誹謗言論,會保留法律追究權利。」

此外,李曼筠昨日出席新書發布會時,揶揄傳不和的暖雅追求尖面,更說:「人哋可能追求靚,欲望係無止境。(佢鍾意整容?)同佢唔熟唔知。」

文:影視組