鍾嘉欣楊愛瑾特赦sell泳衣
書展明日開鑼，寫真戰三大熱門中的鍾嘉欣、「舊餅碎」楊愛瑾（Miki），將在「o靚模勿進」的會展大搞簽名會，雖同賣泳衣照但獲「特赦」！而熱門之一的「魔鬼胸」蔚雨芯（Rainky）則自言唔同o靚模爭，寧擇地再戰。
書展明天在香港會議展覽中心舉行，一如既往今年o靚模全部未能入場搞活動。但同樣賣泳衣寫真的嘉欣BB及Miki卻獲成功審批，分別在19日及21日舉行簽名會。今年推出處女作的Miki，表示會派150個籌及準備禮物，她說：「有兩份禮物，一份係美容產品，另一份係神秘禮物！」又表示不會以性感打扮入場。
蔚雨芯懶理o靚模
而甚為「胸」猛的蔚雨芯（Rainky）則透露從未考慮申請入場，其經理人公司表示：「以往好多o靚模好多新聞，Rainky本寫真賣高貴路線，唔同啲o靚模，冇打算入書展。」他又指將另擇地方舉行大型簽名會。Rainky直言：「我都唔恨去！其實我都唔想同人湊熱鬧，出寫真係想多啲人認識我。我唔同，我有好大量嘅支持，而且我寫真同其他人好唔同，我唔係複製人，又冇整容，唔可以同佢哋比較！」
爆肌三子獲厚待
另外，今年推出尺度大膽的爆肌寫真三子，Dominic、顧又銘及King，與一眾o靚模待遇大不同，獲批入場在20日一同舉行簽名會，對此Dominic自言：「我哋啲係有功能性嘅書，好開心到時可以同粉絲分享。」他又指未有為同樣「晒肉」的o靚模感到不值：「冇話抵唔抵，書最重要有內容，唔係鬥少布。」King則笑言：「今年入唔到唔緊要，下年再出過，再接再厲，有好多人都出咗幾年啦！」顧又銘亦表示：「都唔明白點解有啲入唔到場！」
文：專案組