Zoie歎鵝肝 唔捨得吞
譚凱琪（Zoie）向來喜歡四出找尋美食，自當上飲食及旅遊節目主持後，對餐廳更加講究，她說：「去餐廳食嘢，食物當然係最重要，其次就係環境！」Zoie近日愛上中環一間五十年代餐廳The Fifties，這是一間晚上有樂隊演奏的西餐廳，氣氛一流。Zoie最愛這裏的鵝肝黑松露意大利飯及椒鹽乳鴿，她說：「我好鍾意食意大利飯，呢度嘅意大利飯無論分量同味道都好適中，仲配上黑松露，可以食到黑松露嘅香味，但一啲都唔膩；呢度嘅鵝肝好肥美，煎得好香，連埋啲飯一齊食，甘香到唔捨得吞！」
Zoie亦介紹椒鹽乳鴿是最佳的佐酒物，她說：「乳鴿骨肉均稱，用椒鹽嚟燒好香口，食幾多都唔會滯！」此外，炸雲吞及燒河豚乾同樣惹味可口，而且價錢不算昂貴，值得一試！
