陳慧琳透出型格
在炎夏穿一身透視裝絕對能予人透心涼的感覺，透視元素一直深受各大時裝設計師歡迎。透視裝能散發神秘性感魅力，展現若隱若現的誘人美態，但卻不易穿得好看，失手的話就會變得低俗甚至暴露出肥肉，高手則能穿出高格調感覺兼惹人遐想。不少中外女星亦紛紛潮着透視裝，名模陳嘉容就大讚容祖兒既性感又有型，陳慧琳則時尚兼有女人味。
陳慧琳
今個秋冬將會好Hit格仔，Kelly已經快人一步着咗上身，條裙好蝦人着，佢修長嘅身材carry到，亦都演繹得好好睇，上身小格襯下身大格令成個造型好有層次感，一身打扮有女人味得嚟又Fashionable。
少女時代成員Jessica
成身都襯得靚，套衫、髮型、化妝同埋accessories各樣都好靚，好有少女味，唯一美中不足係打底嘅白色Tube top，無美感，換件白色喱士bra top會靚好多。
少女時代成員Yuri
OK，幾靚，襯得幾好，不過感覺太plain，依家得條唔起眼嘅頸鏈，可以加多少少accessories，成個look會sharp好多。
謝婷婷
高貴大方，下身透視出雙腿線條，若隱若現，又修長又靚，手袋、鞋同埋化妝都襯得好靚，係個髮型老氣啲，將啲頭髮放番落嚟會清爽啲，加多對耳環就更靚。
容祖兒
好靚，性感得嚟好有型，下身襯牛仔褲balance番上身嘅性感feel，對鞋都襯得好靚，係好有時尚感嘅透視裝束，all back髮型亦乾淨利落。
楊千嬅
上身透視bra top好靚，可惜條裙太長，遮咗部分小腿，顯得對小腿又粗又短，如果條裙短番3、4吋喺膝蓋以上可以拉番長小腿嘅線條同比例，同埋依家有上輕下重嘅感覺，對鞋嘅邊位太粗，換對簡單款式嘅高踭鞋可以令對腳顯得修長啲。
Jessica C.
完全唔靚，無美感，着到佢水桶腰，仲有啲娘味，埋沒咗佢嘅優美身段，入面襯裸色打底會好睇好多，對鞋好似村姑，換對無搭帶嘅高踭鞋會靚好多。
陳嘉容profile
香港名模陳嘉容（Eunis）曾為各大國際品牌行時裝騷，在時裝界打滾多年，理論或實戰也難不倒她，近年她更為電視時裝節目擔任主持，化身stylist教人配襯衣着打扮。