苟芸慧生日飯唔預城城
苟芸慧昨與金剛和陸永出席醫學用品活動並即場演短劇，金剛爆肚拿苟芸慧和郭富城的緋聞開玩笑：「你依家先知我靚仔咩？係咪有啲似郭富城？」苟芸慧聞言即尷尬語塞。金剛受訪時被問到與陳蕊蕊網上傳情一事，他說：「我都會同男仔朋友講I miss you同我愛你（惹人誤會？）佢都oko架，又唔係花癡，夠爽朗又男仔頭，唔煩。（追求中？）未來嘅事好難講，有好消息實講畀大家知。」
苟芸慧前日生日，問有否收到城城的禮物或祝賀短訊，她說：「未睇得晒所有短訊，生日飯排到月尾。（預留畀城城？）冇，都係女仔朋友。」而前晚苟芸慧與簡慕華和一班女性朋友吃意大利菜賀壽，有大批傳媒守候，苟芸慧買了外賣給記者。