Eason偷食廿粒蒟蒻送院洩氣

Eason破紀錄橫跨七、八月共開25場「EASON'S LIFE」演唱會，在本周二晚完成第四場個唱後，竟開始鬆懈起來，在家「破戒」連食廿粒台灣蒟蒻，結果偷食過後要付上沉重代價，搞到滿肚胃氣，需急急送院求診，他說：「喺屋企食咗廿粒台灣嘅蒟蒻丸，又唔記得等兩個鐘消化吓先瞓覺，第二朝瞓醒就發覺個胃頂住，咪去咗醫院食化胃氣藥囉！」

後台風騷踩滑板

為了在台上表現100分，曾左腳十字韌帶斷裂的Eason，發現舊患有輕微腫脹，到醫院解胃氣之餘，順道打針醫腳，他說：「左腳舊患未完全好番，發覺有啲腫，成日抽住抽住好緊，之後醫生就喺我膝頭抽咗20毫升水出嚟，即刻鬆晒！」他亦向一眾「迅徒」派定心丸，稱傷患不會影響演出，更風騷地在後台踩滑板車兜風，回復跳跳紮一面。

Eason笑言絲襪花是他老婆徐濠縈的底衫褲，更作狀聞一番！	從膝頭抽了20毫升水的Eason回復佻皮本色，在後台大玩滑板。	荷里活巨星珊迪娜布洛御用髮型師Mark Hill專程捧Eason場。

而自爆暴脹至188磅的Eason，原來全靠設計師何志恩（Johanna）把他當成「柱男」，施展掩眼法變瘦，Johanna笑言：「就當佢係一碌好大嘅柱，我利用視線同打影造成視覺假象，將佢變成一碌幼柱，真係鐵柱磨成針。」在旁的Eason亦不忘反擊說：「我已經輕咗3磅啦！」

聞老婆「底衫褲」

Eason亦繼續發揮鬼馬本色，指着膊上的「絲襪花」說：「呢啲係咪我老婆啲底衫褲呀！」更作狀聞「底褲」，Johanna沒好氣地說：「唔係啦，絲襪嚟o架！」如此大整蠱，相信身為潮流Icon的徐濠縈今晚必定會罰老公Eason扭耳仔！

文：音樂組