前Beyond經理人陳健添（Leslie）為紀念已故合作夥伴黃家駒，將於7月中推出《真的Beyond歷史》傳記及《追憶黃家駒》紀念圖集。早年已移民澳洲的Leslie，日前為宣傳新書回港接受本報獨家專訪，他說：「出書嘅目的係想新一代嘅青年人認識家駒真正歷史。（點解唔喺家駒死忌前推出？）我唔想畀人誤會我刻意推出家駒嘅紀念作品。」
家駒的紀念圖集除有過百張Beyond的珍藏照外，還有8首第一次曝光的歌曲，並請得家駒生前20位摯友寫序，不過跟他不和的前Beyond三位成員黃家強、黃貫中及葉世榮未有回覆，故未能為新書執筆。
至於由Leslie籌備多年的傳記，會由1985年未簽Beyond前說起，他憶述當年曾有電台高層批評Beyond：「我好記得嗰個高層同我講，佢哋四個人頭髮長長，外形又唔得，成個『車房仔』咁，邊有得做呀？不過好神奇，有次小島樂隊請咗Beyond做演唱會嘉賓，我突然聽到有把聲話：『簽佢哋啦，佢哋一定爆紅』，我先主動搵佢哋簽約。」Leslie又說當年和家駒因唱片公司合約而鬧翻，但得家駒前女友林楚麒相勸，他才和家駒冰釋前嫌。