對於林志玲搏到盡拍攝內衣廣告，身為本地性感女神兼內衣老闆的周秀娜亦為之佩服，她笑言有興趣拉攏對方合作：「我好欣賞林志玲，佢好大膽，我好想拉攏佢幫我嘅內衣品牌影一輯相，相信到時一定好好玩，如果真係成事嘅，我唔介意一齊影，咁樣可以帶出雙重嘅震撼效果，不過當然大前提係要佢冇其他品牌合約在身啦。」之前曾為內衣品牌拍攝硬照的娜姐，更謙稱自己不會像志玲這樣豁出去。
另娜姐早前分別穿上泳衣、內衣及性感透視晚裝，為雜誌《時尚先生》內地版任封面女郎，娜姐不但「big」爆雙乳，更咬着手指面向鏡頭，極盡挑逗。