LuLu濕露露 仙樂都萌DD

多位女星及o靚模都對今年書展虎視眈眈，已有參戰經驗的「仙樂都」吳堯堯（YoYo）及王璐瑤（LuLu）直言未驚過，並認為近年「後天加工」的風氣愈吹愈烈，不少模特兒像倒模般，她們堅持以自然美取勝，YoYo笑言「米袋胸形」證其D Cup屬堅料，LuLu則靠狂食升Cup，絕不會隆胸。

趕及搭尾班車

原本YoYo兩個月前已籌備寫真，可惜因與合夥人鬧翻，要另覓班底從頭再影，令她緊張失眠，幸獲大批朋友仗義贊助，借出遊艇、服裝及道具拍攝，近半個月YoYo開行Turbo影相，最終及時完成搭上尾班車參戰。

YoYo表示雖然時間緊迫，但絕不粗製濫造，到了海南島拍外景，亦有遊艇、酒店房及浴缸等背景，造型包括內衣、泳衣、半裸及水手look，32歲的YoYo扮水手玩Cosplay大擺嬌俏甫士，依然少女味十足。她又直言身材堅料，雖然胸形有點下墜，但無損吸引度：「呢啲叫米袋胸，唔關年紀事，真胸係咁，如果成個湯碗咁就令人懷疑喇。」

拒贈樂仔寫真

24歲的LuLu則到泰國華欣及酒店私人泳池取景，穿三點式大騷四吋事業線，又濕身半裸晒玉背及半球，亦有在遊艇取景。她自封「自然派」，全靠勁食增磅升Cup：「我sell天然，拒絕人工、重口味，唔會玩啲白色液體。（邊個係勁敵？）我知我班朋友黃榕、仙樂都出寫真，新嗰啲冇乜留意，好似個個都一樣咁，分唔到。（性感尺度？）最激有背脊半裸，同側面見到啲線條，但我唔賣弄色情，係有美感嘅性感。」

此外，去年LuLu自爆與余文樂互傳情慾短訊，最近樂仔與吳雨霏分手，令LuLu再憑舊緋聞受注目，但她決絕表示不會送寫真給樂仔，直言他們已一刀兩斷。

文：影視組