高海寧：我鍾意男人
高海寧（高Ling） 被《好報》拍得與TB的DJ路芙儼如情侶般翹手出街，有指與旅行社太子爺分手多時dry到爆的高Ling，突然「轉性」，昨日她在電話中高呼喜歡男人：「我哋圍內啲朋友睇到都覺得好好笑，之前因為孟瑤返香港，所以約埋古明華（古佬）食飯，不如下次傳佢同古佬啦！我要嫁o架！已經唔係好多人敢埋我身，我澄清我係鍾意男人o架！（會唔會路芙對你有意思？）我覺得唔會囉。（點解佢話你哋發展中？）我覺得佢係指『朋友』，講都冇人信啦！」
至於路芙亦在電話中表示，當晚是朋友間的飯聚，報道出街後也不會尷尬：「同高Ling係好朋友，我哋事後有通電話，當得啖笑囉！」又笑言高Ling屬女神級數，有機會跟她傳緋聞提升了自己的水平。