謝安琪 感激偶像鼓勵
謝安琪（Kay）自言聽住Beyond的歌曲長大，覺得已故歌手黃家駒的歌能激勵人心，大讚偶像唱歌有靈魂，而她最愛的歌是《遙望》，更聽聞這歌是家駒在日本望着雪景創作：「首歌係寫對音樂、樂壇追求嘅渴望，以前細個冇咁大嘅感覺，依家做咗歌手有好大共鳴，我都有翻唱過呢首歌。」Kay又話見證Beyond由地下樂壇開始再成功踏上大舞台，對當初做新人的她起鼓勵作用，她更說：「聽佢嘅歌，有種家駒企喺背後，叫我加油嘅感覺囉。」
問Kay當過追星族嗎？她笑言：「有呀，不過Beyond每次做慈善騷，都碰正我考試，但我會溫好書，問准媽咪先會去，不過我唔會企得好近佢哋或者大叫，聽到佢哋嘅歌就得o架啦。」Kay忽發妙想，如家駒在，希望可跟偶像合唱及唱他作的歌，同時最想多謝家駒給予她發奮圓歌手夢的力量。