鍾嘉欣夢見自己佗B

無綫花旦鍾嘉欣昨日出席「Mr. WEATHER全球狂熱盛會」開幕禮,推廣環保訊息,並笑稱兒時曾想過當「天氣小姐」。嘉欣又自爆曾夢見自己懷孕,不過她直言現實中不恨生B,她說:「好驚,發覺做媽咪好辛苦,因為好重、好似耳水不平衡咁,所以我驚咗,但現實中如果我結婚一定會生仔。」問有否計劃何時結婚?跟伍允龍傳緋聞的嘉欣稱未有打算,並謂:「只要keep住身體好,到時個天要你有就有(BB),呢個年代唔使擔心。(會學陳茵媺奉子成婚?)我想結婚先再生仔。(另一半都咁諗?)我唔知。」

提到即將開個唱、出寫真及忙拍劇,她笑言稍後兩個月將化身「女超人」,豈不是冇時間陪男友?嘉欣尷尬笑着迴避:「我忙到同爹哋、媽咪食飯時間都冇。(另一半呢?)我唔想答呀。(有冇人詐型?)唔講呢啲,總之我好開心,人生好精彩,我身邊嘅人都吸納到我嘅正能量。」