謝賢爆阿仔投訴冇琴學

謝霆鋒被拍到與李雲迪飯聚,有傳是想找對方做兩個兒子的鋼琴老師,昨日就此致電「四哥」謝賢,他直言不知兩人是好朋友關係,若能成事當然不錯,四哥說:「不過李雲迪有冇時間啊?可能教我就得,(孫仔有冇音樂天份?)我唔係日日見佢哋,好難發現到,其實霆鋒都有投訴過我點解細個唔畀佢學鋼琴,嗰時啱啱移民又住寄宿學校,佢彈結他都係自學o架!」提到霆鋒今日與國際集團主席等人一同任青年創業論壇嘉賓,事業有成可覺十分安慰?四哥覺得霆鋒有機會就去好好學習,但自己就不敢現身支持:「我成日講都係鹹濕嘢,好彩佢冇學我,我對佢都有信心。」

拉姑日前亦與老公鬍鬚Kong相約顧紀筠等好友到大坑一間餐廳晚膳,至晚上10時半,穿上情侶間條褲的拉姑與鬍鬚Kong先行步出上車,未幾見顧紀筠與老公及友人於街頭傾談一會,才與老公登上拉姑的七人車離開。