Amanda S. 習慣唔偷食
混血索模Amanda S.和Ana R.前晚一同出席時裝活動，英國首相卡梅倫夫人Samantha Cameron是該品牌的創意顧問專程來港出席。Amanda被問到早前被拍到跟男性友人用膳，遇見記者時表現驚慌，她解釋：「當日係一班人去食點心，嗰位係朋友，我平時唔驚記者，但我當時聽緊電話。」她笑言朋友見到記者很驚訝：「佢唔知咩反應，幾好笑，我仲好曳去偷望佢表情。」她表示老公不會介意她跟男性友人約會：「如果我出去飲嘢，老公想男性朋友送我返去多啲，因為男仔可以保護我。」她自言男仔頭多男性朋友，但與老公已一起十年，習慣了不會偷食。
而Ana就透露男友9月會有拳擊比賽，現在每天早上5時起床做Gym和跑步。問會否與男友一同跑步？她笑說：「唔會，我唔想流汗。佢依家三餐都係我負責。好多朋友話我係好太太，我好鍾意做家務。」
