李桂蘭keep住靚最緊要夠瞓

名媛李桂蘭（Olivia）每次出席公開活動都打扮得高貴大方，而且保養得宜，原來她自有一套美容心得。日前法國護膚品牌EviDenS De Beaute假半島酒店舉行一連兩場「EviDenS - La Beaute Mysterieuse」美容分享會，Olivia也是座上客，同場還有品牌CEO Helen Ma、榮雪梅與兒子Charles、何明懿、榮文蔚、霍震寰太太霍陳琪琪等等，榮雪梅還即場試做手部按摩。
品牌CEO Helen Ma（中）與霍陳琪琪（右）、榮文蔚（左）等賓客分享扮靚心得。
品牌CEO Helen Ma（中）與霍陳琪琪（右）、榮文蔚（左）等賓客分享扮靚心得。

而Olivia就大讚品牌的面膜很好用，但坦言工作太忙碌，未有時間即場試做Spa，她說：「女人花好多時間Gel甲、化妝整頭髮，為咗慳時間，屋企會有按摩師幫我按摩，但做Spa真係可以放鬆自己。」提到美容心得？她表示：「一定要夠瞓，唔夠瞓點化妝都搞唔掂，化妝前我會敷水分面膜，好多時都係自己化妝，因為冇咁多時間畀人慢慢化，我會催到個化妝師手震，哈哈。」

榮雪梅與兒子Charles齊出席活動。
  • 榮雪梅與兒子Charles齊出席活動。
李桂蘭（前排右）與胡幗英（後排右一）等名媛齊齊出席晚宴。
  • 李桂蘭（前排右）與胡幗英（後排右一）等名媛齊齊出席晚宴。