吳浩康收數誤夾張繼聰
吳浩康最近積極減肥，清減了不少的他昨為英皇電影新片宣傳造勢。他指在戲中飾演一名收數佬，拍攝過程不時蝦碌和NG，其中一場戲他一腳踢門衝入屋，誰知張繼聰正在門後慘被夾住，幸好對方沒有受傷。
樂隊組合Closer、《求愛大作戰》導師「綠魔」許嘉浩（Karl Hui）、藝人泰臣和英皇新人許靖韻、洛詩、思漩、莊潔夢和謝佳妤，昨日為英皇為電影《超級經理人》到商場宣傳並大玩遊戲，當中五位女演員在Karl Hui指導下，在台上配襯衣服，場面有點狼狽。
而樂隊組合Closer成員吳浩康清瘦不少亮相，透露已由182減至156磅，他笑說：「唔使似張家輝咁健碩，減咗肥就得嘞。」他表示在戲中飾演收數佬，並說：「拍攝時我成日蝦碌，有次講我踢門入屋，點知原來張繼聰喺門後面，仲畀門夾住咗。」
Karl否認造假
另外，對於有指無綫節目《求愛大作戰》有「造假」成分，參賽者Vivien作出大控訴。身為節目導師的Karl否認節目做媒，他說：「可能佢唔係幕前人，有壓力，個騷好真，有啲剪接位佢奇怪點解咁剪出嚟，所以先有呢啲反應。（簽了保密協議不可向外公開是做媒？）完全無，只係一份唔可以透露故事劇情同結局的協議。（Vivien和Justin一早已識？）佢兩個之前係有共同朋友，但係經節目入面先有互相了解。（Vivien話自己演技好？）咁我推介佢做影后啦，可能佢節目入面形象無咁好，又遭到網民抨擊，佢先有咁大反應。」
文：影視組